gunnlaugur.annáll.is

AnnállAf fréttum og fjölmiðlumÁhrif G.t. í samtíðinniBókakynningarDagbókG.t.-fræðingurinn Guðfr.-alm. Guðfræðideild Gyðingd./ Ísrael Íþróttir KennslaKirkjan KvikmyndirMenningMinnisstæðar persónur og viðburðirRannsóknir og fyrirlestrar

« Átök í prófkjöri · Heim · Mikilvæg mál hjá Ágústi Ólafi »

Tvöföld þátttaka á hugvísindaþingi

Gunnlaugur A. Jónsson @ 21.37 31/10/06

Það verður í nógu að snúast hjá mér í vikulokin. Hugvísindaþing stendur frá kl. 13 á föstudag og til kl. 17 á laugardag. Mikill fjöldi af málstofum með mjög fjölbreytilegum fyrirlestrum ber nóneitanlega vitni um grósku í rannsóknum á sviði hugvísinda við Háskóla Íslands nú um stundir.

Sjálfur tek ég þátt í tveimur málstofum. Kl. 15-17 á föstudag verður málstofan Trú og töfrar Tarkovskys og er hún ekki síst haldin í tilefni af því að á næstu vikum er væntanleg á markað bókin Through the Mirror. Reflections on the Films of Andrei Tarkovsky. Þeir sem tala í málstofunni eru allir meðal höfunda umræddrar bókar ásamt hópi útlendra fræðimanna. Erindi mitt nefni ég: “Paradísarmissir Tarkovskys – Notkun Tarkovskys á biblíulegum stefjum í kvikmyndinni Nostalgía.”

Á laugardagsmorgun þarf ég svo að vera mættur til leiks kl. 10 því þar er ég meðal þáttakenda í málstofunni Áhrif Biblíunnar í menningu og samfélagi ásamt þremur samkennurum mínum. Erindi mitt nefni ég:”Hve fögur myndast umgjörð af fjallanna hring.” Náttúrulýsingar í Davíðssálmum sr. Valdimars Briem.

url: http://gunnlaugur.annall.is/2006-10-31/21.37.53/

© gunnlaugur.annáll.is · Færslur · Ummæli